د لوی درستیز مرستیال د ۲۰۹ "الفتح " قول اردو څخه لیدنه وکړه
د وسله وال پوځ لوی درستیز مرستیال حاجي مالي خان د يوه پلاوي په مشرۍ بلخ ولایت ته سفر وکړ او هلته یې د ۲۰۹ الفتح قول اردو له قوماندان، مسؤلینو او يو شمېر مجاهدینو سره وکتل.
د لوی درستيز مرستیال د الفتح قول اردو شپږمې سرحدي لوا ته هم ولاړ او د هغې لوا له مسؤلینو او کارکوونکو سره یې د لیدنې پر مهال د هغوی د کارونو او فعالیتونو قدرداني يې وکړه.
دغه راز د لوی درستیز مرستيال د لوا له مسؤلینو څخه د راپورونو اورېدو پر مهال د هغوی د وړاندیزونو او ستونزو د حل په موخه د هر اړخیزې همکارۍ ژمنه ورسره وکړه.
