د افغانستان اسلامي امارت د هوايي ځواکونو د فعالیت او رغونې په مناسبت د پوځي الوتکو او چورلکو مانور

نن د افغانستان د اسلامي امارت د ملي دفاع سرپرست وزیر مولوي محمد یعقوب "مجاهد" د هېواد د هوايي ځواکونو د پوځي الوتکو، د الوتنو په مراسمو کې، ګډون درلود. 

په دغه مراسمو کې لومړی د هوايي ځواکونو عمومي قوماندان مولوي امان الدین «منصور» د هوايي ځواکونو د وړتیاوو څخه لنډ ګزارش وړاندې کړ وویل: « د پیلوټانو او تخنيکي انجینرانو په بیرته راتګ سره، د هېواد له ۲۸۹ پوځي الوتکو څخه ۵۰ الوتکې، الوتنو ته چمتو دي او يو شمېر نورې يې تر ترميم لاندې دي، چې ډېر ژر به د هېواد په اردو کې خدمت ته چمتو شي. 

ورپسې د ملي دفاع سرپرست وزیر مولوي محمد یعقوب "مجاهد" هېواد ته د هوايي ځواک د پیلوټانو او تخنیکي انجینرانو له راستنېدو څخه مننه وکړه او ويې ویل:« له هوايي ځواکونو پرته هېڅ هېواد په خپلو پښو ودریدلای نشي، لکه څنګه چې ما ژمنه کړې وه، چې د بهرنیو هېوادونو له مرستې پرته به د هېواد هوايي ځواک فعالوم».

د نن ورځې په پوځي مانور کې MI-35, MD-539, MI-17, Blackhawk, C-208,AN-32 الوتکو په کابل کې هوايي پریډ تر سره کړ.