د آلمان د دفاع له وزیرې "آنه ګرت کرامپ کارن باوئر" سره د ملي دفاع وزارت د سرپرست لیدنه !

zia_omid
سه‌شنبه ۱۳۹۸/۹/۱۲ - ۱۶:۴۲
دیدار سرپرست وزارت دفاع ملی با "آنه گرت کرامپ کارن باوئر" وزیر دفاع آلمان

د ملي دفاع وزارت سرپرست اسدالله خالد نن د خپل کار په دفتر کې د آلمان د دفاع له وزیرې "آنه ګرت کرامپ کارن باوئر" سره ولیدل او خبرې وکړې.

په دې لیدنه کې، د ملي دفاع وزارت سرپرست له افغانستان سره د آلمان دوست هېواد له مرستو او همکاریو مننه وکړه.

د ملي دفاع وزارت سرپرست اسدالله خالد له افغان دفاعي او امنیتي ځواکونو سره د آلمان هېواد مرستې او همکارۍ با اهمیته وبللې او وې ویل چې له تروریزم سره د افغان ځواکونو د مبارزې په کار کې د آلمان هېواد مرستې او همکارۍ خورا د ارزښت وړ دي.

د آلمان د دفاع وزیره "آنه ګرت کرامپ کارن باوئر" له تروریزم سره په جګړه کې د افغان ځواکونو لاسته راوړنې وستایلې او ټینګاریې وکړ چې آلمان به له افغان ځواکونو سره د روزنې او مشورې ورکولو په برخه کې خپلو مرستو او همکاریو ته دوام ورکړي.

میرمن آنه ګرت کرامپ، د ملي پوځ په اډانه کې د ښځو د پام وړ له شتون څخه ستاینه وکړه او هیله یې څرګنده کړه چې په دفاعي او امنیتي بنسټونو کې د ښځو کچه نوره هم لوړه شي.

د آلمان د دفاع وزیرې وویل چې د افغانستان د هوایي ځواک د پیاوړتیا او مسلکي کېدو په برخه کې د پام وړ پرمختګونه شوي دي.

د آلمان د دفاع وزیرې، د افغانستان په ختیځ کې د داعش د ماتې په اړه د افغان دفاعي او امنیتي ځواکونو له هڅو ستاینه وکړه او ژمنه یې وکړه چې په افغانستان کې د داعش ترهګرو د بشپړې ماتې لپاره به د افغان ځواکونو په خوا کې پاتې شي.

وروستي خبرونه

یکشنبه ۱۳۹۹/۷/۶ - ۲۰:۷
Background image

د وسلوال پوځ لوي درستیز ستر جنرال محمد یاسین ضیا بغلان ولایت ته لاړ

د وسلوال پوځ لوي درستیز د کورنیو چارو د امنیتي معین په ملتیا د امنیتي وضعیت...

یکشنبه ۱۳۹۹/۷/۶ - ۱۳:۵۶
Background image

۱۰۰۰ سرتېري د لومړنیو پوځي زده کړو ترلاسه کولو وروسته فارغ شول

د دغو سرتېرو د فراغت مراسم نن کابل کې د محاربوی تعلیماتو ګډه قومندانۍ کې...

پنجشنبه ۱۳۹۹/۷/۳ - ۱۴:۴۱
Background image

د هرات په سل بستریز سیمه ایز روغتون کې د دفاعي او امنيتي ملي ځواکونو له ټپیانو د ملي دفاع وزارت د لومړي مرستیال لیدنه او عیادت

د ملي دفاع وزارت لومړي مرستیال شاه محمود میاخیل د هرات ولایت د سل بستریز په سیمه ایز روغتون...

بېرته خبرونه ته