د هیواد د امنیتي حالت د څېړلو په موخه، د ملي دفاع وزارت د سرپرست په مشرۍامنیتي غونډه وشوه
کابل-افغانستان: د هېواد د جلالتماب جمهور رئیس او د مسلح ځواکونو د اعلی سرقومندان محمد اشرف غني په لار ښوونه د ملي دفاع وزارت د سرپرست اسد الله خالد په مشرۍ د هیواد د امنیتي وضعیت د څېړنې په موخه امنیتي غونډه شوه. په دغه غونډه کې، چې د ملي دفاع وزارت په مقر کې جوړه شوې وه د امنیت شورای مرستیال د کورنیو چارو سرپرست وزیر، دسیمه ییزو ارګانونو رئیس ، د ملي امنیت د عمومي ریاست مرستیال او د کابل ولایت والي ګډون کړی وو. د غونډې په ترڅ کې د هیواد پر امنیتي وضعیت بشپړې خبرې وشوې او د امنیتي وضعیت په اړه اړوندو ادارو ته لازمې لار ښوونې ورکول شوي. همدا راز په غونډه کې د تروریستي حملو د مخنیوي او د شته تهدیدونو کابو کولو لپاره پر امنیتي تدابیرو او همغږیتوب ټینګار وشو.
