اروپایي اتحادیې له سفیر سره د ملي دفاع وزارت د سرپرست لیدنه

s.mohmand
Tue, Jul 21 2020 11:56 AM
اروپایي اتحادیې له سفیر سره د ملي دفاع وزارت د سرپرست لیدنه

د ملي دفاع وزارت سرپرست ستر جنرال اسدالله خالد نن په خپل کاري دفتر کې د اروپایي اتحادیې له سفیر او افغانستان ته د دغې اتحادیې له ځانګړي استازي «میادون پیری» سره وکتل او پدغه کتنه کې دواړو لورو د سولې په بهیر او له ترهګرۍ سره په مبارزه خبرې وکړې.

په دې کتنه کې د ملي دفاع وزارت نوماند وزیر له افغانستان سره د اروپایي ټولنې د مرستو ستاینه وکړه. همدا راز د اروپایي ټولنې سفیر د ملي دفاعي او امنیتي ځواکونو له ترهګرۍ سره په مبارزه کې له وروستیو لاسته راوړنو یادونه وکړه او دا لاسته راوړنې یې وستایلې.

په کابل کې د اروپایي اتحادیې سفیر دا ډول له افغانستان سره د خپلو مرستو په دوام ټینګار وکړ.