پکتیا ولایت ته د ملي دفاع وزارت د سرپرست سفر
د ملي دفاع سرپرست وزیر اسدالله خالد په داسې حال کې، چې په افغانستان کې د ناتو عمومي قومندان جنرال سکاټ مېلر، د کورنیو چارو سرپرست وزیر محمد مسعود اندرابي او د ملي امنیت رییس محمد معصوم ستانکزی هم ورسره و د سهیل ختیځو ولایتونو د امنیتي وضعیت د څېړلو په موخه د پکتیا ولایت کردیز ته سفر ګړی و.
په دغه سفر کې د ملي دفاع سرپرست وزیر او ورسره پلاوي د پکتیا، پکتیکا له والیانو او په یاد زون کې د میشتو امنیتي ځواکونو له مسوولینو سره د امنیتي وضعیت په اړه د خبرو په ترڅ کې ټینګار وکړ، چې د خلکو د سر او مال ساتنې په برخه کې نه ستړې کیدونکې هلې ځلې وکړي، او د سهیل ختیځ زون د لویې لارې د امنیت په ساتلوکې خپلې هڅې ګړندۍ کړي.
همداراز جنرال مېلر یو ځل بیا له افغان ځواکونو څخه د ناتو په پوځي ملاتړ ټینګار وکړ.
