د حضرت معاذ بن جبل(رض) د ملي نظامي اکاډمۍ قوماندانۍ خبرتیا!
د حضرت ابو عبیده بن جراح (رض) ملي دفاعي پوهنتون د ملي نظامي اکاډمۍ د (۱۴۰۳ ه.ش تعلیمي کال د (۱۹) دورې لپاره په لاندې شرایطو کې محصلین مني:
د نوم لیکنې شرایط:
- هغه کاندیدان چې د دولسم ټولګي څخه په ۱۴۰۱ او ۱۴۰۲ ه.ش کال کې فارغ او د پوهنې وزارت تاييد ولري.
- د کاندید عمر باید له (۱۸ څخه تر ۲۲ کلونو) زیات یا کم نه وي، د تابعیت اصلي تذکره ولري، ښه روغتیا او قد ولري، مجرد وي، په نشه یي توکو روږدی نه وي، په سیاسي یا جنایي جرم تورن نه وي، د اسلامي امارت او ملي نظامي اکاډمۍ له ټولو نافذه قوانینو سره سم عمل کوي، د نمرو فیصدي یې باید له ۸۰٪ څخه کمې نه وي، او د افسر په توګه خپل اوږد مهاله خدمت ته ژمن وي.
- د حربي ښوونځۍ فارغان کولی شي د ملي دفاع پوهنتون او حربي ښوونځۍ مرکزي دفتر څخه د ټاکل شوي فیس په ورکولو د ازموینې فورمه واخلي.
- وړ نوماندان کولای شي چې د روان کال د حوت له لومړۍ نېټې څخه د ۱۴۰۲هـ.ش د حوت تر ۱۵مې نیټې پورې د خپلو اړوندو قوماندانيو مرکزونو او زونونو د جلب او جذب مرکز څخه د کانکور ازموینې لپاره د داخلې فورمې ترلاسه کړي او همدارنګه څلور قطعې رنګه عکسونه چي د شاه ساحه یي سپينه وي. د دولسم ټولګي شهادت نامه، د تذکرې رنګه کاپي د خپل اړوند ولایت د استخدام جلب او جذب قوماندانۍ ته وسپاري.
په ملي نظامي اکاډمۍ کې د زده کړو ګټې:
- په ملي نظامي اکاډمۍ کې د زده کړې موده څلور کاله ده او د تحصیلي دورې له بشپړولو وروسته محصل ته دوهم بريدمن او د لیسانس سند ورکول کیږي.
- د زده کړې په جریان کې، زده کوونکو ته مناسب معاش (د تعلیمي کال له اړخه)، خواړه،قرطاسیه، د مطالعې مواد، روغتیایي خدمتونه او نور.... چمتو کیږي.
- د ملي نظامي اکاډمۍ زده کوونکي د خپلو زده کړو په جریان کې، د نظامي زده کړې او روزنې په برخه کې په لاندې اکاډمیکو برخو کې په ټاکل شوي مسلکونو کې د پرمختګ سربیره (سیول انجینري، حقوق، کمپیوټر ساینس، میخانیکي انجینري، اقتصاد، مدیریت او رهبري، ستراتیژیک تاريخ، نړیوالې اړیکې، انګلیسي او فرهنګ) تدریس کیږي.
د لا زیاتو معلوماتو لپاره په لاندې شمېرو اړیکه ونیسئ او یا هم د ملي دفاع وزارت ویب پاڼې ته مراجعه وکړئ:
0202634066
0202634085
0202634042
0202634075
