د ۲۰۳ منصوري قول اردو څخه ۵۰۰ تنه مجاهدینو په فراغت غونډه کې د ملي دفاع وزارت او ستر درستیز مرستیالانو ګډون وکړ
د ملي دفاع وزارت اړوند ۲۰۳ منصوري قول اردو د ښوونیز پوځي مرکز څخه ۵۰۰ تنه مجاهدین د درې میاشتني مسلکي پوځي او عقیدوي زده کړو څخه وروسته تېره ورځ د یو لړ شاندارو مراسمو په ترڅ کې فارغ شول.
د غه مراسمو کې د ملي دفاع وزارت لومړي مرستيال الحاج ملامحمد فاضل «مظلوم», د وسله وال پوځ لوی درستتیز مرستيال حاجي مالي خان «صدیق»،د یادې قول اردو مرستيال قوماندان د پکتيا والي او ګڼ شمیر مسؤلینو او مشرانو ګډون کړی وو
مسؤلینو د جهاد په اهدافو، د شرعي او اسلامي نظام په ټینګښت او .
ساتنه هر اړخیزې ويناوې وکړې او زیاته یې کړه: چې همدغه د ملي اسلامي اردو مسلکي زړورځواکونه به په هر ډول حالاتو کې د خپلو خلکو، هېواد او د دې شرعي او اسلامي نظام څخه په مېړانه ساتنه کوي او تل یې د هیواد له سرحداتو څخه په کلکه دفاع کړې ده.
همدا راز د فارغ شویو مجاهدینو له لوري د بیلابیلو وسلو په استعمال سره عملي نمایشات او نور پوځي حرکات ترسره شول او یاد مراسم مجاهدینو ته د ستاینلیکونو په ورکولو سره پای ته ورسېدل.
