د ملي دفاع وزارت لومړي مرستیال د ۲۱۵ عزم قول اردو څخه لیدنه وکړه
د ملي دفاع وزارت لومړي مرستیال الحاج ملا فاضل "مظلوم" تیره ورځ د سفر په ترڅ کې د ۲۱۵ عزم قول اردو له قومندان، د لواګانو له مسؤلینو، د کنډکونو له آمرینو او د دې قول اردو له مدیریتونو څخه لیدنه وکړه.
په دې کتنه کې د ملي دفاع وزارت لومړي مرستيال د مجاهدينو د صفونو د يووالي د ټينګښت په هکله توصیې وکړې او مجاهدينو ته یې سپارښتنه وکړه چې د اميرالمؤمنين "حفظه الله" د حکمونو اطاعت وکړي.
او همدا راز د ددې کتنې ترڅنګ یې د شهیدانو کورنیو سره هم ولیدل او د هغوى ستونزې او وړانديزونه یې واورېدل او د حل کولو ژمنه يې وکړه.
