د سردار محمد داوود خان ۴۰۰ بستریز روغتون ډاکټرانو د «ساین» نړیوالې کمیټې په کلنۍ ارزونه کې لومړی مقام خپل کړ
د ملي دفاع وزارت د ستر درستیز شهید سردار محمد داوود خان د ۴۰۰ بستریز روغتون ډاکټرانو د ارتوپیدي په څانګه کې د غوره او معیاري روغتیايي چوپړونو په وړاندې کولو سره د «ساین» نړیوالې کمیټې څخه لومړی مقام خپل کړ.
د "ساين" نړیواله کمیټه چې په ټوله نړۍ کې د روغتیایی خدماتو د تر سراوي برخه کې د سټنډرډ او معیار په توګه کار کوي، د سردار محمد داوود خان ۴۰۰ بستريز روغتون ارتوپيډي څانګې ډاکټرانو د ۵۲ هیوادونو ترمنځ په کلنۍ سیالۍ او ارزونه کې د اغیزمنو او ارزښتناکو خدماتو په تر سره کولو سره د ۲۰۲۱ کال د "لومړی مقام" ستاينې دړه د ملي دفاع وزارت د ستر درستيز د سردار محمد داوود خان روغتون ډاکټرانو ته ډالي کړه.
هغه مراسم چې په همدې موخه د طبي علومو د اکاډمۍ په انګړ کې جوړ شوي وو، د شهید سردار محمد داوود خان روغتون د ډاکټرانو په ځانګړي ډول د ارتوپیدي څانګې د ډاکټرانو د قدر وړ او ارزښتناکو خدمتونو ستاینه پکې وشوه.
