د هېواد د وسلوال پوځ لوی درستیز په ګډون کابل کې د بیرغ ملي ورځ ونمانځل شوه
د هېواد ویاړلی درې رنګه بیرغ د خپلواکۍ، یووالي، عزت او شرف نښان دی.
دفاعي او امنیتي ځواکونو د دغه ملي ورځې مراسم په کابل کې د وسلوال پوځ لوي درستیز ډګر جنرال ولي محمد «احمدزي»، جنرالانو، افسرانو، رییسانو... په ګډون سره دغه ملي نښان د وزیر محمد اکبر خان په غونډې وځړاوه او دغه ورځ یې ونمانځله.
په دې مراسمو کې د وسلوال پوځ لوی درستیز د دې مطلب په څرګندولو سره وویل:«هر هېواد خپل ملي هویت لري، زموږ بیرغ زموږ ملي هویت دی، د هېواد دفاعي او امنیتي ځواکونه د دغه ارزښتمند ملي نښان اصلي ساتونکي دي.»
د هېواد ملي بیرغ، د تاریخي ویاړونو ، خپلواکۍ او باتورو بچیانو د قربانیو او د دفاعي او امنیتي ځواکونو د بریا نښه ده ، کوم چې تل رپانده ساتل شوی دی.
