د ملي دفاع وزارت لومړي مرستیال د اختر په لومړۍ ورځ د شهید سردار محمد داود خان د څلور سوه بستریز روغتون ناروغانو پوښته وکړه او ډاډ یې ورکړ
د ملي دفاع وزارت لومړي مرستیال ډاکټر نجیب الله "وردګ" دلوی اختر په لومړۍ ورځ د دې وزارت له رییسانو سره د سردار محمد داود خان څلور سوه بستریز روغتون ته ولاړ او ناروغانو سره یې له نږدې وکتل او نقدي مرسته یې ور سره وکړه.
د ملي دفاع وزارت لومړي مرستیال د سردار محمد داود خان څلور سوه بستریز روغتون کې د دفاعي ځواکونو ناروغانو سره په لیدنه کې وویل: د ملي اردو ځواکونو ملاتړ او وړاندیزونو ته رسیدنه د ملي دفاع وزارت د کاري لومړیتوبونو څخه دي او په دې برخه کې به د هیڅ ډول کوښښ څخه ډډه ونکړي.
د ملي دفاع وزارت لومړي مرستیال د سردار محمد داود خان څلور سوه بستریز روغتون رهبرۍ هیت د دفاعي ځواکونو منسوبینو د روغتیایې ښه چوپړ په برخه کې د نه ستړي کیدونکي هلوځلو څخه قدر دانی وکړ.
همدا راز په سردار محمد داود خان څلور سوه بستریز روغتون کې د ملي اردو ټپيانو د ملي دفاع وزارت د همیشه پوښتنې او اړتیاوو ته د رسیدنې له امله ترې مننه وکړه.
