د وسله وال پوځ لوی درستيز او حکومت د کابینې غړو په ګډون کې د ځانګړو قطعاتو د ۱۳۳۸ تنه منسوبينو فراغت د ځانګړو مراسمو په ترڅ کې ترسره شو
د ملي دفاع وزارت د ځانګړو قطعاتو د ۱۳۳۸ تنو ځوانو منسوبينو فراغت نن د وسله وال پوځ لوی درستیز قاري محمد فصیح الدین " فطرت"، د لوړو زده کړو سرپرست شیخ ندا محمد " ندیم"، چارواکو، علماء کرامو، منسوبينو او مجاهدينو په ګډون کې د یو لړ ځانګړو مراسمو په ترڅ کې د دغه فرقې په ښوونيز مرکز کې تر سره شو.
د وسله وال پوځ لوی درستیز، په دې مراسمو کې فارغانو ته خطاب وکړ او وېې ویل: کوم امنیت او سوله چې اوس په هېواد کې حاکمه ده، دا ستاسو برکت دی، ټول مشران او د هېواد وګړي ستاسو په احساساتو او سرښندنو وياړي.
د دغې فرقې چارواکو او مسؤلانو ژمنه وکړه، چې د یوه غښتلي او منظم پوځ د روزلو لپاره، چې د اسلامي نظام او هېواد د ځمکنۍ بشپړتیا ساتنه کولای شي، ډاډ ورکړ.
د يادو فارغانو له جملې څخه ۹۸۷ تنه له لومړنیو زده کړو او ۴۴۹ تنه د تخصصي څانګې څخه فارغ شول.
