د ملي دفاع وزارت سرپرست د همدي وزارت په مرکز کې له معینتونو، ریاستونو او اړونده ادارو څخه لیدنه وکړه.
د ملي دفاع وزارت سرپرست وزیر مولوي محمد یعقوب ''مجاهد'' او ورسره مل پلاو پرون سهار په یو ناڅاپانه راتګ سره د ملي دفاع وزارت له ټولو معینتونو، ریاستونو، مدیریتونو او نورو کاري څانګو څخه لیدنه وکړه او د دغه وزارت له رئیسانو، مدیرانو او کارکوونکو سره یې له نږدې وکتل، او د تیر شوي اختر مبارکې یې ورکړل.
د ملي دفاع وزارت سرپرست وزیر د اختر د مبارکي تر څنګ له ټول پرسونل څخه مننه وکړه او ټينګار يې وکړ چي د اداري کارونو په لا چټکتيا او د خدمتونو په وړاندې کولو کې دې په صادقانه توګه کار وکړي.
د ملي دفاع وزارت سرپرست زیاته
کړه چی د نظام او هېواد سوکالي او پرمختګ ستاسو د شپو او ورځو په هلوځلو او کوښښونو پورې تړلی ده او آخره کې یې ټولو مسؤولینو، کارکوونکو او منسوبینو ته د الله ﷻ څخه دښه خدمت دتوفیق ورکولو دعا وکړه.
