د ملي دفاع وزارت سرپرست سره د سعودي عربستان سفیر وکتل
د ملي دفاع وزارت سرپرست مولوي محمد یعقوب "مجاهد" نن په کابل کې د شاهي هېواد سعودي عربستان له سفیر ښاغلي فیصل طلق البقمي سره پخپل کاري دفتر کې وکتل، په دغه لیدنه کې د ملي دفاع وزارت سرپرست د افغانستان او عربستان اړيکې د عقیدتي او فرهنګي اړخه شريکې وبللې او ددغه هېواد له لوري په بېلابېلو برخو کې له همکارۍ مننه وکړه.
همدارنګه د ملي دفاع وزارت سرپرست په کابل کې د سعودي عربستان د سفارت بیا پرانستل مهم او ارزښتناک وبلل.
د سعودي سفیر له افغانستان سره د دوه اړخیزو اړیکو او بشري، اقتصادي او سیاسي همکاریو د پراختیا په برخه کې د خپل هېواد پر ژمنتیا ټینګار وکړ.
