د امریکا متحده ایالاتو سلګونه جنګي وسایل او تجهیزات د هېواد ملي دفاع وزارت ته سپاري

s.mohmand
پنجشنبه ۱۳۹۹/۸/۱۵ - ۲۰:۲۷
 د امریکا متحده ایالاتو سلګونه جنګي وسایل او تجهیزات د هېواد ملي دفاع وزارت ته سپاري

په هېواد کې د غوڅ ملاتړ ماموریت، افغان دفاعي او امنیتي ملي ځواکونو ته د خپلو مرستو په دوام کې، سلګونه هاموې، میلیونونه مرمۍ او سلګونه د شب بین دوربینونه او یوشمیر نور جنګي وسایل د هېواد اردو او ملي دفاع وزارت ته سپاري.

د ملي دفاع وزارت لومړي مرستیال شاه محمود میاخېل د امریکا له متحده ایالاتو د مننې په څرګندولو سره وویل: له دغو وسایلو او تجهیزاتو به د خلکو د امنیت د ټینګښت په برخه کې ګټه واخیستل شي.

د روان زېږدیز کال په ترڅ کې امریکا د هېواړ له ملي پوځ سره ۱۳۸۳ هاموې، ۱۰ هلیکوپتره او ۴ A-29 جنګي جیټ الوتکې مرستې کړې دي. امریکا د تیر کال په ترڅ کې د ۵۷۴ میلیون ډالرو په ارزښت تجهیزات له افغان حکومت او امنیتي ځواکونو سره مرسته کړې ده او د ۱۰۲ میلیونه ډالرو په ارزښت تجهیزات به په راتلونکي کال کې مرسته وکړي.

د غوڅ ملاتړ ماموریت یو قوماندان جنرال ډیډریک وویل: د دفاعي او امنیتي ځواکونو ساتل او پیاوړتیا په افغانستان کې د سولې او ارامتیا د ټینګښت په موخه ځانګړی ارزښت لري.

دغه امریکايي جنرال ټینګار وکړ چې له افغان دفاعي او امنیتي ځواکونو سره به د امریکا متحده ایالاتو مرستې او همکاري به دوام ولري او دغه اړیکې به تل پاتې وي.

وروستي خبرونه

سه‌شنبه ۱۴۰۰/۴/۲۹ - ۲۲:۴۵
Background image

د ملي دفاع وزارت لومړي مرستیال د اختر په لومړۍ ورځ د شهید سردار محمد داود خان د څلور سوه بستریز روغتون ناروغانو پوښته وکړه او ډاډ یې ورکړ

د ملي دفاع وزارت لومړي مرستیال ډاکټر نجیب الله "وردګ" دلوی اختر په لومړۍ ورځ د دې وزارت له رییسانو سره...

سه‌شنبه ۱۴۰۰/۴/۲۹ - ۲۲:۳۵
Background image

د ملي دفاع وزارت سرپرست د ۲۰۳ تندر قول اردو ۱۰۰ بستریز ساحوي روغتون کې د دفاعي او امنیتي ځواکونو د ټپی ناروغانو عیادت وکړ

د ملي دفاع وزارت سرپرست ستر ستر جنرال بسم الله “محمدي” نن د پکتیا ولایت ته د خپل سفر په دوام کې...

سه‌شنبه ۱۴۰۰/۴/۲۹ - ۲۱:۵۵
Background image

د ملي دفاع وزارت سرپرست د پکتیا ولایت له علماوو، د بیلابیلو قومونو له مشرانو او متنفذینو سره ولیدل

د ملي دفاع وزارت سرپرست ستر جنرال بسم الله "محمدي" نن ۲۰۳ تندر قول اردو ته د سفر په ترڅ کې...

بېرته خبرونه ته