د افغانستان د ملي اردو د لوړو زده کړو، ښوونې او روزنې هر اړخیزه پالیسي وړاندې شوه

s.mohmand
یکشنبه ۱۳۹۹/۵/۵ - ۱۳:۳۲
 of the Comprehensive Policy for Training, Education and Higher Education of the Afghan National ArmyLaunch

د هیواد د ملي اردو د لوړو زده کړو، ښوونې او روزنې د هر اړخیزې پالیسۍ د ښودلو مراسم نن د مارشال محمد قسیم فهیم په نظامي پوهنتون کې ترسره شول.

پدې مراسمو کې د ملي دفاع وزارت لومړي مرستیال محترم “شاه محمود میاخیل”، د ملي دفاع وزارت د تعلیماتو او پرسونل مرستیالې “منیرې یوسف زاده”، د کورنیو چارو وزارت د ستراتیژۍ او پالیسۍ مرستیالې “حسنا جلیل”، د ملي اردو د تعلیم او تربیې قومندان جنرال “پاینده محمد ناظم”، د ملي دفاع او کورنیو چارو وزارتونو ریسانو او جنرالانو، د مارشال محمد قسیم فهیم د پوهنتون استادانو او محصلینو، د نظامي اکاډمیو غړو برخه اخیستې وه.

دا مراسم د ملي دفاع وزارت د مرستیالې محترمې منیرې یوسف زاده په ویناء پیل شول.

میرمن یوسف زاده پدې ټینګار وکړ، چې د ملي اردو په تعلیمي او تحصیلي نصاب کې ددې پالیسۍ له تطبیق سره به د ملي اردو د سواد کچه لوړه شي.

میرمن یوسف زاده دا ډول زیاته کړه، چې د مارشال محمد قسیم فهیم په نظامي پوهنتون کې د ماسټرۍ د پروګرام طرحه بشپړه شوې ده او ډیر ژر به دا تحصیلي دوره پدغه پوهنتون کې پیل شي.

دا ډول د ملي دفاع وزارت لومړي مرستیال شاه محمود میاخیل په خپلو خبرو کې ددغه پالیسۍ په جوړیدو کې د میرمن یوسف زاده له هڅو ستاینه وکړه.

د ملي دفاع وزارت لومړي مرستیال دا ډول په هیواد کې د دایمي سولې د ټینګیدو هیله څرګنده کړه.

دا پالیسي یوه مقدمه، اوولس څپرکي او پنځه برخې لري.

پدې پالیسۍ کې لنډ مهاله، منځمهاله او اوږد مهاله کورني او بهرني او د سواد د زده کړو تعلیمات شامل دي.

په پام کې ده د ملي اردو د تحصیلي دورې له پیل سره جوخت، په نظامي پوهنتونونو او اکاډمیو کې تطبیق شي.

وروستي خبرونه

سه‌شنبه ۱۳۹۹/۱۱/۷ - ۱۹:۳۱
Background image

د افغانستان لپاره د سره سلیب نړيوالې کميټې له مرستیالې سره د ملي دفاع وزارت د لومړي مرستیال لیدنه

ملي دفاع وزارت لومړي مرستیال شاه محمود"میاخیل " د افغانستان لپاره د سره سلیب نړيوالې کميټې مرستیالې میرمن بتریس" اوچسلي " سره نن د خپل کار په دفتر کې ولیدل...

دوشنبه ۱۳۹۹/۱۱/۶ - ۱۹:۴۷
Background image

د رسنیو له ارشدو مسوولانو سره د ملي دفاع وزارت د مشرتابه لیدنه او خبرې اترې

د ملي دفاع وزارت وزارت د لومړي مرستیال شاه محمود "میاخیل"، د پرسونل او ښوونې په چارو کې د ملي دفاع وزارت مرستیالې منیره "یوسف زاده"...

پنجشنبه ۱۳۹۹/۱۱/۲ - ۲۲:۲۲
Background image

د ملي دفاع وزارت لومړي مرستیال د ننګرهار ولایت د امنیتي وضعیت د ارزونې په موخه یاد ولایت ته سفر وکړ

د ملي دفاع وزارت لومړي مرستیال شاه محمود "میاخیل" د ننګرهار ولایت د امنیتي وضعیت د ارزونې...

بېرته خبرونه ته