د اروزګان ولایت خاص اروزګان ولسوالۍ کې ۸ طالب ترهګر ووژل شول
تېره ورځ دفاعي او امنیتي ځواکونو د هوايي قواوو په ملاتړ، د اروزګان ولایت خاص اروزګان ولسوالۍ اړوند پر طالب ترهګرو چاڼیز عملیات تر سره کړل.
چې په پایله کې ۸ طالب ترهګر ووژل شول او ۵ تنه نور ټپیان شول.
په دې عملیاتو کې د دښمن ۴ پټنځایونه، یوه اندازه وسلې، مهمات، تجهیزات او چاودیدونکي توکي له منځه یوړل شول.
همدا راز طالب ترهګرو د یاد ولایت مرکز اړوند د ملکي او پوځي کسانو د مرګ ژوبلې په موخه ۲ کړۍ ماینونه ځای پر ځای کړي وو، چې د ملي اردو ځواکونو د انجنیرۍ ټیم له خوا کشف او شنډ شول.