ننګرهار کې ۸ وسله والو طالبانو ته مرګ ژوبله اوښتې
تېرو ۲۴ ساعتونو کې دفاعي او امنیتي ځواکونو د هوايي قواوو په ملاتړ ننګرهار ولایت شېرزادو ولسوالۍ "طوطو" اړوند کلي کې ترهګر طالبان په نښه کړل.
دغو عملیاتو کې ۵ ترهګر طالبان ووژل شول، ۳ ټپیان شول، د دښمن یوه اندازه وسلې او مهمات له منځه یوړل شول.
همدا راز ۸ کړۍ بېلابېل ډول، ماینونه چې طالبانو یاد ولایت په بیلابیلو سیمو کې دفاعي، امنیتي ځواکونو او دملکي خلکو تګ راتګ په لاره کې ځای پرځای کړي وو، د ملي اردو ځواکونو د انجینیرۍ ټیم له لوري کشف او خنثی شول.