هرات کې ۸ کړۍ ماینونه کشف او شنډ شول
تېرو ۲۴ ساعتونو کې ملي اردو ځواکونو هرات ولایت کې یو لړ ځانګړي عملیات ترسره کړل، چې په ترڅ کې یې ۸ کړۍ ماینونه کشف اوشنډ کړي دي.
دغه ماینونه طالبانو هرات ولایت ګذرې ولسوالۍ "سیاوشان" سیمه، چشت شریف ولسوالۍ "اسفرز سیمه" رباط سنګی ولسوالۍ "چهاردرې" سیمه او ادرسکن ولسوالۍ "تنګي ګله توت" اړوند سیمو کې دفاعي، امنیتي ځواکونو او دملکي خلکو تګ راتګ په لاره کې ځای پرځای کړي وو.
چې خوشبختانه د ملي اردو ځواکونو د انجینیرۍ ټیم له لوري کشف او شنډ شول.