د ۲۰۵ البدر قول اردو چارواکو او مجاهدينو سره د اميرالمؤمنين ليدنه

نن د اسلامي امارت امير المؤمنين شيخ الحديث والتفسير مولوي هيبت الله «اخندزاده» د ۲۰۵ البدر قول اردو څخه لېدنه وکړه.

په دې لېدنه کې چې د ملي دفاع وزارت سرپرست وزیر مولوي محمد يعقوب «مجاهد» يې ملتيا کوله، د يو شمېر علماوو، مخورو او مجاهدينو سره وکتل.

په دې لېدنه کې اميرالمؤمنين «حفظه الله» مجاهدينو ته په یوالي ټينګار وکړ او ويې فرمايل: له اختلافاتو پرهيز وکړئ؛ ځکه اختلافات د ناکامۍ او ماتې سبب کيږي، په یوالي او ورورولۍ منګولې ولګوئ؛ ځکه چې یوالی او برياليتوب به ستاسو د پرمختګ سبب شي.
عقيده په الله ج وساتئ نه په مادياتو
 او له هغوی يې وغوښتل چې د کلکې عقيدې، مورال او انګيزې لرونکي وي.

همدا راز اميرالمؤمنين چارواکو او مجاهدينو ته د ښې حکومتولۍ په برخه کې اړينې سپارښتنې او لارښونې وکړې.