د هوايي او هوايي مدافعې پوهنتون خبرتیا
د هوايي او هوايي مدافعې پوهنتون د(۱۴۰۴) ښونیز کال لپاره د پوهنې وزارت، د حضرت سعد ابن ابی وقاص(رض) حربي ښوونځي د دولسمو ټولګیو فارغان او دیني مدرسو د دولسمو ټولګیو معادل فارغان چې د فراغت سند يې د پوهنې وزارت د ښوونځیو دولسمو ټولګیو معادل وي د(پیلوټۍ، هوايي تخنیک او هوايي لوژستیک) څانګو کې په لاندې شرایطو مني.
۱ـ د داوطلب عمر له(۱۸ـ۲۴) کالونو پورې وي.
۲ـ د ملکي ښونځیو د دولسمو ټولګیو د فارغانو او دیني رسمي مدرسو د دولسمو ټولګیو معادل فارغانو د فراغت سند د اړونده ولایت د پوهنې ریاست له لوري منل شوی وي.
۳ـ داوطلب مجرد وي، په نشه يي توکو روږدی او په جنائي او سیاسي جرمونو تورن نه وي، ډسپلین منونکی او پر ځان د هوايي او هوايي مدافعې پوهنتون د ټولو قوانینو د پلي کولو وړتیا ولري.
۴ـ داوطلب د افغانستان د تابیعت اصلي پاڼه ولري.
۵ـ داوطلب د ښه روغتیايي وضعیت څخه برخمن وي.
داوطلبان کولی شي له(۴) قطعې انځورنو او د تابیعت اصلي پیژند پاڼې سره د روان کال د غبرګولې میاشتې له ( ۲ مې) نېټې څخه تر(۲۵مې) پورې د نوم لیکنې او د کانکور په آزموینه کې د ګډون د فورمو د ترلاسه کولو په موخه د اړونده ولایتونو د جلب او جذب کمیساریو ته ورشي.
د لازیاتو معلوماتو لپاره له لاندې شمیرو سره اړیکه ونیسئ او یا هم د ملي دفاع وزارت ویب سایټ ته مراجعه وکړئ.
۰۲۰۲۶۷۳۱۱۴
۰۲۰۲۶۴۰۸۷۱
