د ملي دفاع سرپرست وزیر او کابینې ګڼ شمیر وزیرانو د ځانګړو ځواکونو په فراغت غونډه کې ګډون وکړ

web_admin
پنجشنبه ۱۴۰۲/۹/۹ - ۲۳:۴۲
د ملي دفاع سرپرست وزیر او کابینې ګڼ شمیر وزیرانو د ځانګړو ځواکونو په فراغت غونډه کې ګډون وکړ

د ملي دفاع وزارت ستردرستیز د ځانګړو ځواکونو قوماندانۍ د عالي تعلیماتو له ښوونځۍ د دویمې دورې څخه ۸۹۷ تنه ځوان عسکر د عقیدوي زده کړو ترڅنګ د کمانډویي تعلیماتو له شپږ میاشتني بیلابیلو مسلکي زده څخه نن د یو لړ شانداره مراسمو په ترڅ کې فارغ شول.

یادو مراسمو کې د رئیس الوزرا اداري مرستیال مولوي عبدالسلام "حنفي"، د ملي دفاع سرپرست وزیر مولوي محمد یعقوب "مجاهد"، او د کابینې ګڼ شمېر وزیرانو مسؤلینو او مشرانو ګډون کړی وو.

د رئیس الوزرا اداري مرستیال مولوي عبدالسلام "حنفي" پخپله وینا کې نوي کمانډویي ځواک ته د مبارکۍ ترڅنګ زیاته کړه: چې تاسو د اسلامي نظام د حفاظت لپاره، د هیواد د ښیرازۍ او جوړولو، او د شهیدانو د ارمانونو د پوره کولو، لپاره روزل شوي یاست او همدا راز ویې ویل تاسو د راغلې ازادۍ ساتونکي یاست په کلکه له خپلو مقدساتو څخه دفاع وکړئ.

همدا راز د ملي دفاع سرپرست وزیر مولوي محمد یعقوب "مجاهد" پخپلو خبرو کې وویل:   تاسو چې کومې زده کړې ترسره کړې دا دیو لوی هدف لپاره دي چې هغه د اسلامي نظام او د افغانستان خاوری څخه دفاع ده، تاسې باید پخپل عزم کې مستحکم یاست او د خپلو نور نظامي ارګانونو د منسوبینو سره به اوږه په اوږه له خپلې خاورې څخه دفاع کوئ.

مولوي محمد یعقوب "مجاهد" زیاته یې کړه: چې ولس ته ډاډ ورکوم چې دا ځواکونه به ستاسو د سر او مال ساتنه کوي او ستاسو د سوکالۍ سبب به ګرځي، د خپلو دفاعي ځواکونو تر شاه ودریږئ، دغه ځواکونه به زموږ او ستاسو د اسلامي هیواد له سرحداتو څخه ساتنه او دفاع کوي او هیڅ یو اشغالګر ته به اجازه ورنکړي چې زموږ په هیواد کې ګډوډي رامنځ ته کړي.

همدا راز یادو کمانډویي ځواکونو خپل عملي نمایشات او مانورونه د مسؤلینو په حضور کې په عالي نظم سره ترسره کړل او پای کې یادو ځواکونو ته بری لیکونه هم ورکړل شول.
 

وروستي خبرونه

چهارشنبه ۱۴۰۳/۴/۲۰ - ۲۲:۵
Background image

د ملي دفاع وزارت سرپرست د جاپان له سفیر سره وکتل

د ملي دفاع وزارت سرپرست مولوي محمد یعقوب "مجاهد" نن ورځ په کابل کې د جاپان له سفیر ښاغلي تاکایوشي کورومایا سره پخپل کاري دفتر کې وکتل او خبرې یې وکړې.

په دې کتنه کې د ملي دفاع وزارت. . .

دوشنبه ۱۴۰۳/۳/۱۴ - ۱۹:۱۷
Background image

اندونیزیايي پلاوي د ملي دفاع له سرپرست وزير سره په لیدنه کې: "هغه څه چې موږ په رسنیو کې اوریدلي، تبليغات وو"

د ملي دفاع سرپرست وزير مولوي محمد یعقوب "مجاهد" نن په خپل کاري دفتر کې اندونیزیا د جمهوري رياست له پخواني مرستيال ښاغلي محمد يوسف کالا، د اوسنۍ سرې میاشتې او جوماتونو شورا له رئیس او مل. . .

سه‌شنبه ۱۴۰۳/۳/۸ - ۱۹:۳۵
Background image

د وسلوال پوځ لوی درستیز د پېژندتون ریاست په سیمینار کې ګډون وکړ

د وسلوال پوځ لوی درستیز الحاج قاري محمد فصیح الدین "فطرت" د ملي دفاع وزارت اړوند معینتو، ریاستو، سیمیزو قول اردوګانو، لواګانو اونورو جزوتامو د پېژند ۲۴۰  تنه مدیرانو او آمرینو ته د. . .

بېرته خبرونه ته