د حضرت عبدالله ابن مسعود رض د جګړه ایزو ګډو زده کړو قوماندانۍ څخه (۱۲۰۰) تنه مجاهدین فارغ شول

web_admin
یکشنبه ۱۴۰۲/۶/۱۹ - ۲۱:۰
د حضرت عبدالله ابن مسعود رض د جګړه ایزو ګډو زده کړو قوماندانۍ څخه (۱۲۰۰) تنه مجاهدین فارغ شول

د ملي دفاع وزارت اړوند د حضرت عبدالله ابن مسعود رض د جګړه ایزو ګډو زده کړو قوماندانۍ د سرتیرو بنسټیزو زده کړو له ښوونځي (۱۲۰۰) تنه مجاهدین له درې نیم میاشتني پوځي، نظري او مسلکي زده کړو څخه نن د یو لړ ځانګړو مراسمو په ترڅ کې فارغ شول.

دغو مراسمو کې د ا.ا.ا د کابینې غړو، د وسلوال پوځ لوی درستیز الحاج قاري فصیح الدین "فطرت"، او د ملي دفاع وزارت ګڼ شمېر رئیسانو، مسؤلینو، مشرانو او منسوبینو ګډون درلود.

د لوړو زده کړو سرپرست وزیر شیخ ندامحمد "ندیم" یادو فارغانو ته د مبارکۍ ترڅنګ په وینا کې وویل: تاسو باید په پوره اخلاص او صداقت سره ددغه اسلامي نظام او ولس خدمت وکړئ، په هر کار کې له صبر او استقامت څخه کار واخلئ او ټول توکل مو باید یوازې په الله ج وي، د خپلو مسلکي زده کړو ترڅنګ په عقیدوي زده کړو ځان سمبال کړئ

او همدا راز یې زیاته کړه، چې د حق په مقابل کې له هیچا څخه مه ویریږئ، د حق طرفدار اوسئ او د خپل امیر هر فرمان ته متوجې اوسئ.

ورته مهال د وسلوال پوځ لوی درستیز پخپلو خبر کې وویل: د ا.ا.ا او ملي دفاع وزارت رهبري یوې منظمې او ژمنې اردو جوړولو ته ژمن دي، موږ هڅه کوو چې یوه داسې منظمه اردو جوړه کړو ترڅو د هیواد له سرحداتو او ملي حاکمیت څخه دفاع وکړي، زموږ له اردو جوړولو څخه هدف جنګ نه بلکې د ولس خدمت او هیواد څخه دفاع ده چې زموږ پوځ دا ازموینه ورکړې ده او هر ډول ایثار او قربانۍ ته چمتو ده.

همدارنګه یې زیاته کړه چې په تېر شل کلن جهاد کې اسلامي امارت نړۍ ته دا وښودله چې هیڅ یو بهرنۍ نشي کولای زموږ په هیواد کې خپل شوم اهداف عملي کړي او هېچا ته دا اجازه نه ورکوي چې دلته خپل اهداف عملي کړي.

د یادونې وړ ده چې دوه ورځې وړاندې یادو فارغ شویو مجاهدینو په نوموړي قوماندانۍ کې عملي تطبیقات هم ترسره کړل او یاده ښوونځي د تیر کال په پرتله تر نهه زره مجاهدینو د فراغت ضرفیت لري. 

په پای کې فارغ شویو مجاهدینو خپل پوځي نمایشات او نظامي زده کړې په عملي ډول وړاندې کړې او د لوژ له مخې په عالي نظم د مسؤلینو په وړاندې تیر شول او خپل ستاینلیکونه یې د مسؤلینو په لاس ترلاسه کړل.

وروستي خبرونه

دوشنبه ۱۴۰۳/۲/۳ - ۲۲:۳۱
Background image

د ملي دفاع سرپرست وزیر له هیواد څخه بهر میشتو هیوادوالو سره وکتل

د ملي دفاع وزارت سرپرست وزیر مولوي محمد یعقوب "مجاهد" له یو شمېر هغو هیوادوالو سره چې په اروپا او ځینو نورو هیوادونو کې میشت دي، د اسلامي امارت له راتګ وروسته د لومړي ځل لپاره هیواد ته. . .

یکشنبه ۱۴۰۳/۲/۲ - ۱۲:۲۵
Background image

د ملي دفاع وزارت لومړي مرستیال او د وسلوال پوځ لوی درستیز د سیمیزو قطعاتو له مسؤلینو سره په VTC (ویډیو کنفرانس) کې ګډون وکړ

د ملي دفاع وزارت لومړي مرستیال الحاج ملا محمد فاضل "مظلوم" او د هیواد د وسلوال پوځ لوی درستیز الحاج قاري محمد فصیح الدین "فطرت" د سیمیزو قول اردوګانو، قطعات او جزوتامو له مسؤلینو او. . .

جمعه ۱۴۰۳/۱/۱۰ - ۱۱:۳۸
Background image

د وسله وال پوځ لوی درستيز او حکومت د کابینې غړو په ګډون کې د ځانګړو قطعاتو د ۱۳۳۸ تنه منسوبينو فراغت د ځانګړو مراسمو په ترڅ کې ترسره شو

د ملي دفاع وزارت د ځانګړو قطعاتو د ۱۳۳۸ تنو ځوانو منسوبينو فراغت نن د وسله وال پوځ لوی درستیز قاري محمد فصیح الدین " فطرت"، د لوړو زده کړو سرپرست شیخ ندا محمد " ندیم"، چارواکو، علماء. . .

بېرته خبرونه ته