د توپچي ریاست د۱۱۴ تنه منسوبینو په فراغت کې د مسلح قواوو مرستیال ګډون وکړ
د جګړیزو ګډو زده کړو قوماندانۍ په حربي مکتب کې پنځه ورځنی سیمینار د مرکزي او ساحوي قول اردوګانو، قطعاتو او جزوتامونو د ستردرستیز توپچي ریاست منسوبینو ته د ارتقاء او ظرفیت لوړولو په موخه پیل شوی وو پای ته ورسېد.
په دغه سیمینار کې ۱۱۴ تنه مجاهدین د قول اردوګانو، قطعاتو او جزوتامونو آمرینو او معاوینینو شامل وو له پنځه ورځنی سیمینار څخه وروسته نن د یولړ مراسمو په ترڅ کې فارغ شول.
دغو مراسمو کې د مسلحو قواوو مرستیال حاجي مالي خان "صدیق" او د ملي دفاع وزارت ګڼ شمیر رئیسانو، مسؤلینو او مجاهدینو ګډون کړی وو، مسؤلینو په خپلو ویناوو کې یاد فارغان په اطاعت تاکید او خپلو مسؤلیتونو ته متوجې کړل او زیاته یې کړه چې د توپچي برخه د اردو په چوکاټ کې ډیر مهم رول لري.
همدا راز یادو فارغانو مسؤلینو ته ډاډ ور کړ چې په هر ډول شرایطو کې به له اسلامي نظام او د هیواد له ځمکنۍ بشپړتیا څخه دفاع کوي، په پای کې یادو فارغانو ته تصدیق نامې هم ورکړل شوې.
