د ملي دفاع وزارت لومړي مرستیال او د وسلوال پوځ لوی درستیز د سیمیزو قطعاتو له مسؤلینو سره په VTC (ویډیو کنفرانس) کې ګډون وکړ
د ملي دفاع وزارت لومړي مرستیال الحاج ملا محمد فاضل "مظلوم" او د هیواد د وسلوال پوځ لوی درستیز الحاج قاري محمد فصیح الدین "فطرت" د سیمیزو قول اردوګانو، قطعات او جزوتامو له مسؤلینو او قوماندانانو سره په VTC (ویډیو کنفرانس) کې ګډون وکړ.
دغه ویډیو کنفرانس چې د ملي دفاع وزارت په مقر کې ترسره شو د سمیزو قول اردو ګانو او قطعاتو مسؤلینو او قوماندانانو پخپل نوبت سره په هره برخه کې خپلې ستونزې او مشکلات او همدا راز د ګرمې او سړې اعاشې او بدل اعاشې په اړه نظرونه له مسؤلینو سره شریک کړل.
په ورته مهال د هیواد د وسلوال پوځ لوی درستیز الحاج قاري محمد فصیح الدین "فطرت" قوماندانانو او مسؤلینو ته ډاډ ورکړ چې د دوی هر ډول ستونزې به حلوي او زیاته یې کړه: هڅه وکړئ خپل ټول توان د افغان ملت د هوساینې لپاره وکاروئ، او د دوی هر ډول خدمت ته لبیک ووایئ.
