د بهرنیو ژبو دظرفیت لوړونې له کورس څخه ۷۷ تنه ځوان منسوبین فارغ شول

د ملي دفاع وزارت د بېلابېلو قطعاتو او جزوتامونو ٧٧ تنه ځوان منسوبين دحضرت ابو عبیده بن جراح رض ملي دفاع پوهنتون اړوند د حضرت ابودجانه بن خرشه رض دحرب اکاډمۍ د بهرنیو زده کړو لومړۍ دورې له ٩ میاشتني کورس څخه نن د یو لړ ځانګړو مراسمو په ترڅ کې فارغ شول.

مسئولینو نویو فارغانو ته هر اړخیزه ویناوې وکړې او زیاته یې کړه: چې دا اسلامي نظام د سترو قربانیو په برکت سره قائم شوی دی او کوښښ باید وشي؛ چې اسلامي نظام په هره برخه کې خود کفایي طرف ته سوق شي، او نظام ته واقعي خدمت وکړئ.

ورته مهال نویو فارغانو وعده وکړه، چې له خپل نظام او ملت څخه به هر وخت او په هر ځای کې له خدمت څخه ځانونه درېغ نکړو، ياد مراسم فارغانو ته د بری لیکونو په ورکولو سره پای ته ورسېدل.