د ملي دفاع وزارت د عقیدتي، فرهنګي او امربالمعروف ریاست له لوري له ۱۸۰ تنه علماوؤ څخه ازموینه واخیستل شوه
د عالیقدر امیرالمؤمنین حفظه الله د حکم په اساس د ملي دفاع وزارت د عقیدتي، فرهنګي او امربالمعروف ریاست له لوري د مرکزي قطعاتو او جزوتامونو له ۱۸۰ تنه عقیدتي مسؤلینو څخه د کوچنی او لویې دورې ازموینه واخیستل شوه.
دغه ازموینه د یاد وزارت د عقیدتي، فرهنګي او امربالمعروف رئیس او د امربالمعروف وزارت د نماینده ګانو په حضور کې په پوره شفافیت سره تر سره شوه چې بریالي کسان به د ملي دفاع وزارت اړوند عقیدتي څانګو کې د خدمت لپاره وګمارل شي.
د یادونې وړ ده چې دغه ازموینه په ټولو سیمیزو قول اردوګانو او قطعاتو کې هم نن په پوره شفافیت سره د اړوند مسؤلینو او نماینده ګانو له لوري واخیستل شوه.