د ملي دفاع وزارت له حربي ښوونځي څخه ۱۸۳ تنه زده کړیالان د ځانګړو مراسمو په ترڅ کې فارغ شول

s.mohmand
Tue, Jun 21 2022 2:59 PM
د ملي دفاع وزارت له حربي ښوونځي څخه ۱۸۳ تنه زده کړیالان د ځانګړو مراسمو په ترڅ کې فارغ شول

تيره ورځ د ملي دفاع وزارت د حربي ښوونځي څخه ۱۸۳ تنه زده کړیالان د پوځي، مسلکي او فکري زده کړو وروسته د ځانګړو مراسمو په ترڅ کې فارغ شول، په دغه فراغت غونډه کې د پرسونل او تعلیماتو معاونیت مرستیال شیخ عبدالرحمان «اخندزاده»، د سر پلټنې، ستراتیژیکو اړیکو او عامه چارو رییسانو، د ښوونې روزنې او دوکتورینو قوماندان، ښوونکو، منسوبینو او د ملي دفاع وزارت د حربي ښوونځي فارغینو او د کورنیو غړو یې ګډون درلود.

په دې مراسمو کې د ملي دفاع وزارت مسوولانو د اسلامي امارت ځواکونو په لا یوالي او زده کړیالانو ته د خپلو مسولیتونو په تر سره کولو کې د محمد (ص) د اخلاقو او صفاتو په مراعات کولو ټینګار وکړ.

همدا راز دغه مراسم د پوځي وړتیا په ښودلو او ممتازو زده کوونکو ته د جایزو په ورکولو سره پای ته ورسیدل.

په داسې حال کې، چې  له فتحې وروسته د حربي ښوونځي قوماندانۍ دروازه د څه مودې له پاره د زده کوونکو پر مخ تړل شوې وه، وروسته د ملي دفاع وزارت د مشرتابه په ترغیب او د اړوندو مسوولینو په هلو ځلو بېرته فعاله شوه او تیره ورځ زده کړیالان د مسلکي زده کړو له بشپړولو وروسته، فارغ شول.
 

Latest news

Sat, Jun 04 2022 4:43 PM
Background image

Acting Defense Minister visits Bamiyan provinces 

Malawi Mohammad Yaqoob Mujahid acting Ministry of National Defense visited Bamiyan province...

Wed, Feb 24 2021 5:32 PM
Background image

The US donates 640 new military vehicles to the Ministry of National Defense!

The US transferred 640 new military vehicles to Afghan National Army, Ministry of National Defense Logistics Command. 

BACK TO NEWS