په کابل کې د هوايي ځواک د څلور تنه شهیدانو جنازې مراسم د ملي دفاع وزارت د مشرتابه په شتون کې تر سره شول
د شهید عبدالکریم رحیمي, شهید فضل الوهاب امیري, شهید محمد انور عمر او شهید محفوظ نیکزاد جنازې مراسم د ملي دفاع وزارت لومړي مرستیال او سرپرست شاه محمود میاخیل, د وسلوال پوځ لوی درستیز ستر جنرال محمد یاسین ضیاء, جنرالانو, افسرانو او د شهیدانو د کورنیو د محترمو غړو په شتون کې نن د سردار محمد داود خان په روغتون کې تر سره شول. د ملي دفاع وزارت لومړي مرستیال د بهسودو ولسوالۍ د پیښي قربانیانو کورنیو د غړو سره د خواخوږۍ او ډاډګیرنې تر څنګ د هېواد دفاع, د خلکو مال او ځان ساتنې په لار کې د یادو شهیدانو څخه قدرداني او ستایینه وکړ.
شاه محمود میاخیل ټینګار وکړ چې د ملي دفاع وزارت تل د ملي اردو شهیدانو د کورنیو تر څنګ دي او په شته امکاناتو سره به د دوي ستونزو ته رسیدنه کوي.
همدا راز د ملي دفاع وزارت لومړي مرستیال ټینګار وکړ چې د بهسودو ولسوالۍ د پیښې عاملین به سخت مجازات شي.
د وسلوال پوځ لوی درستیز په خپلو خبرو کې وویل: هغه کسانو چې د میدان وردګو ولایت بهسودو ولسوالۍ اړوند, تېره شپه زموږ همسنګران او د افغانستان ریښتني بچیان په شهادت ورسول؛ د پیښې په تړاو به جدي څیړل کیږي او دا بده کړنه به بې ځوابه پاتې نه شي.
هر هغه څوک چې افغان دفاعي ځواکونو سره جګړه کوي, د دښمن په څیر به ور سره چلند کیږي او وبه ځپل شي.
