د ملي دفاع سرپرست وزیر تېره شپه په کابل کې د یو شمېر هېوادونو د استازو او سفیرانو کوربه وو

په کابل کې د افغانستان د سیمه ایز نوښت د لومړۍ غونډې له بریالیتوب وروسته؛ تېره شپه د افغانستان لپاره د هند، چین، ایران، پاکستان، ترکیې، قزاقستان، ازبکستان، اندونیزیا، قرغیزستان او ترکمنستان هېوادونو ځانګړو استازو او سفیرانو د ملي دفاع وزارت د سرپرست وزیر مولوي محمد یعقوب "مجاهد" له لوري په جوړې شوې مېلمستیا کې ګډون وکړ.

چي وروسته د ملي دفاع وزارت سرپرست د چین، ایران او پاکستان له استازو سره جلا غونډه هم وکړه، د هېواد د ثبات او د پولو د امنیت د تامین، له هېوادونو سره د متقابل احترام او اقتصادي همکاریو پر بنسټ د دوستانه اړیکو د ټینګښت په برخه کې د اسلامي امارت له لوري ډاډ ورکړ او زیاته یې کړه: «اسلامي امارت چمتو دی، چې د پروژو د پیل او بشپړولو لپاره د امنیت او نورو هر ډول همکارۍ تضمین وکړي.»