د جګړه ایزو ګډو زده کړو له قوماندانۍ څخه ۱۷۰ تنه مجاهدین فارغ شول
د ملي دفاع وزارت اړوند د جګړه ایزو ګډو زده کړو قوماندانۍ د سرتیرو بنسټيزو زده کړو ښوونځۍ له درې میاشتني فکري، عقیدوي او نظامي زده کړو څخه ۱۷۰ تنه مجاهدین د یو لړ ځانګړو مراسمو په ترڅ کې فارغ شول.
په دې مراسمو کې د ملي دفاع وزات ګڼ شمیر مسؤلینو او منسوبینو ګډون کړی وو، مسؤلینو پخپلو ویناوو کې یاد فارغان خپلو مسؤلیتونو ته متوجې کړل او د اسلامي نظام د تحکیم او پياړتیا لپاره یې اتفاق او یووالې اړین وباله او له مجاهدینو څخه یې وغوښتل چې په یووالي او بشپړ قوت سره د اسلامي ارزښتونو، ملي حاکمیت او ځمکنۍ بشپړتیا څخه ساتنه وکړي.
همدا راز فارغ شویو ځوانانو د هیواد په هر ګوټ کې اسلامي نظام او هیوادوالو ته د خدمت لپاره چمتووالی وښود او ژمنه يې وکړه چې د بغاوتګرو او یرغل کوونکو په له منځه وړلو کې به هر ډول تکیک څخه کار اخلي.
د یادونې وړ ده چې په یادو فارغانو کې ۳۴ تنه د پنجشیر ولایت ځوان سرتیري هم شامل وو، په پای کې د مسؤلینو له لوري فارغانو ته تصدیق نامې هم ورکړل شوې.