د هلمند د نادعلي په ولسوالۍ کې د طالبانو د استخباراتو مشر وژل شوی او د طالبانو تش په نوم والي په هلمند کې ټپي شوی دی
د هلمند لپاره د وسله والو طالبانو د والي مولوي محب الله او د دې ولايت د نادعلي ولسوالۍ د استخباراتو د مشر په ګډون د طالبانو یوه ډله د هلمند ولایت د نادعلي ولسوالۍ په زرغون کلي کې راټول شوي و او پلان یې درلود چې د نادعلي ولسوالۍ پر ځینو برخو برید وکړي.
ملي امنیتي و دفاعي ځواکونه ، د فعال دفاعي حالت په چوکاټ کې د هیواد هوایي ځواک په ملاتړ ، د دې پلان د پلي کیدو مخنیوی کوي.
د هدفي هوايي بریدونو په پایله کې، د نادعلي په ولسوالۍ کې د طالبانو د استخباراتو د مشر په ګډون ۱۰ طالب ترهګر وژل شوي ، او محب الله مشهور په صداقت چې د طالبانو د والي په توګه پیژندل شوی, په هلمند کې ټپي دی.
په دې برید کې د دښمن زياتې وسلې، مهمات او ۶ عرادې موټر له منځه وړل شوي دي.