۱۵ تنه ترهګر ووژل شول
کابل- افغانستان: د هېواد ملي دفاعي او امنیتي ځواکونو د دښمن د ځالو او شته تهدیدونو د له منځه وړلو په موخه په تېرو ۲۴ ساعتونو کې۱۳ پلان شوي یرغلیز او چاڼيز عملیات او ۸ هوايي بریدونه د هېواد په ۱۱ ولایتونو کې تر سره کړي؛ د دې عملیاتو په ترڅ کې ۱۵ تنه ترهګر وژل شوي ، ۵ تنه ټپیان او ۳ تنه نیول شوي دي.
هلمند- ګرمسیر او نهر سراج ولسوالیو کې د هوایي بریدونو په پایله کې ۶ تنه ترهګر وژل شوي او یو موټر له منځه وړل شوي دي.
پکتیا- ارګون ولسوالۍکې د ځوابي برید په ترڅ کې ۳ تنه طالب ترهګر وژل شوي او ۲ تنه نیول شوي دي.
جوزجان- فیض آباد ولسوالۍ کې د چانیزو عملیاتو په پایله کې ۳ تنه ترهګر وژل شوي، ۲ تنه ټپیان او یو موټر سایکل له منځه وړل شوی دی.
تخار- خواجه غار ولسوالۍ کې د چانیزو عملیاتو په پایله کې ۲ تنه ترهګر وژل شوي او ۳ تنه ټپیان شوي دي.
فراه- قلعه کاه ولسوالۍ کې د هوایي برید په پایله کې یو تن ترهګر وژل شوی او یو تن نیول شوی دی.