د ګډو پوځي زده کړو قومانۍ له ښوونیز مرکز څخه ۳۸۸ منسوبین فارغ شول
د ګډو پوځي زده کړو قومانۍ له ښوونیز مرکز څخه د ملي اردو ۱۲۵ بریدملان او ۲۶۳ تنه سرتیري د یو لړ بنسټیزو پوځي زده کړو وروسته، فارغ شول.
دغو مراسمو کې، د یادې قوماندانۍ مسؤلانو، افسرانو، برید ملانو او سرتیرو، ګډون درلود.
تازه فارغ شوو بریدملانو او سرتیرو وویل، هر هغه څه چې د ښوونې په ډګر کې زده کړي په مسلکي او کلک هوډ سره به د ترهګرو پر وړاندې ترې ګټه اخلي.
همدا راز هغوې ژمنه وکړه او وه یې ویل، موږ د خپل هېواد او خلکو دفاع او ساتنې ته ژمن یو، هر ډول چوپړ اوسرښندنې ته د هېواد په ګوټ ګوټ کې چمتو یو.
