د ملي دفاع وزارت لومړي مرستیال په کونړ کې د دوهمې پلې لواء څخه لیدنه وکړه
د ا.ا.ا د ملي دفاع وزارت لومړي مرستیال الحاج ملامحمد فاضل "مظلوم" د یو شمېر مسؤلینو په ملتیا د کونړ ولایت امنیتي وضیعت ارزونې په موخه د ۲۰۱ خالد بن ولید (رض) قول اردو اړوند د عبدالله بن عباس (رض) د دوهمې پلې لواء څخه لیدنه وکړه.
الحاج ملا محمد فاضل "مظلوم" د لواء د جګړه ايزو احضاراتو لوړې کچې د ښې ارزونې ترڅنګ د لواء رهبرۍ ته ځینې لازمې لارښونې او سپارښتنې وکړې او زیاته یې کړه: چې خپلو کارونو ته متوجې شئ او د خپلو امیرانو پوره اطاعت وکړئ.
په ورته مهال د یادې لواء مسؤلینو پلاوي ته د ښه راغلاست ترڅنګ ډاډ ورکړ چې هېڅکله به د هیواد داخلي او خارجي دوښمنانو ته اجازه ورنکړي، چې په ولسوالیو او درو کې شومو اهدافو ته د رسیدو په موخه وران کاري یا بغاوتونه ترسره او د شریفو ولسونو ژوند نا آرامه کړي.
