د ملي دفاع وزارت شمالي دروازه د یاد وزارت د لومړي مرستیال له لوري پرانیستل شوه
د ملي دفاع وزارت اړوندو د حمایې او امنیت د ټینګښت لواء د مسؤلینو په هڅو سره د یاد وزارت شمالي دروازه (خالد قرول) چې په نوې بڼه جوړه شوې وه نن د یاد وزارت مرستیال الحاج ملا محمد فاضل "مظلوم" په مشرۍ د ملي دفاع وزارت سرمفتش مفتي لطف الله "حکیمي"، د وسلوال پوځ لوی درستیز مرستیال حاجي مالي خان "صدیق" او ګڼ شمېر رئیسانو په شتون کې د یو لړ مراسمو په ترڅ کې پرانیستل شوه.
د ملي دفاع وزارت سرمفتش مفتي لطف الله "حکیمي" دغه کار یوه لویه لاسته راوړنه وګڼله او د حمایې او امنیت لواء د کارونو ستاینه یې وکړه او د لا ښه امنیت او بیت المال په ساتنه کې یې مجاهدینو ته لازمې توصیې وکړې او زیاته یې کړه: چې د هیواد په ساتنه او امنیت کې موږ پخپلو ژمنو ولاړ یو او پخپل وخت به یې عملي کوو.
