د ملي دفاع وزارت سرپرست د جاپان له سفیر سره وکتل
د ملي دفاع وزارت سرپرست مولوي محمد یعقوب "مجاهد" نن ورځ په کابل کې د جاپان له سفیر ښاغلي تاکایوشي کورومایا سره پخپل کاري دفتر کې وکتل او خبرې یې وکړې.
په دې کتنه کې د ملي دفاع وزارت سرپرست د دغه هېواد د مرستو څخه د قدردانۍ ترڅنګ د دواړو هېوادونو ترمنځ د اړیکو د ټینګښت په هکله یادونه وکړه او ویې ویل: اسلامي امارت له ټولو هېوادونو سره د ښو اړیکو ټینګښت غواړي.
همدا راز د جاپان سفیر د سرتاسري امنیت او له نشه یي توکو سره د مبارزې په برخه کې د اسلامي امارت د کړنو ستاینه وکړه او ویې ویل: جاپان د افغانستان له خلکو سره د روغتیا، کرنې، زده کړو او په نورو برخو کې خپلو همکاریو ته ژمن دی.
