د ملي دفاع وزارت د پالیسۍ او ستراتیژۍ معاونیت تشکیلاتو د پلان د تنظیم ریاست نوي رئیس په کار پیل وکړ
د افغانستان اسلامي امارت د ملي دفاع وزارت د مشرتابه د لارښوونې سره سم، چارو د ښه ترسره کیدو په موخه، د ملي دفاع وزارت او ستر درستیز د تشکیلاتو د لا سمون په خاطر برید جنرال ارکانحرب محمد غوث «صافی» د پالیسۍ او ستراتیژۍ معاونیت د تشکیلاتو د پلان د تنظیم ریاست د نوي سرپرست رییس په توګه وګمارل شو او په کار یې پیل وکړ.
نوموړی د هېواد یو له کادرونو څخه دی، چې د ملي دفاع وزارت په مهمو برخو کې کاري سابقه لري، د هېواد دننه او بهر کې یې لوړې زده کړې تر سره کړي دي.
د ملي دفاع وزارت او ستر درستیز نوموړي ته په ورسپارل شوي مسوولیت کې د بریالیتوب هیله کوي.
