د ملي دفاع وزارت د تکنالوژۍ او لوژیستیک معین د جاپان له ځانګړي استازي سره وکتل
د ملي دفاع وزارت د تکنالوژۍ او لوژیستیک معین مولوي محمد ظریف "مظفر او ورسره مل پلاوي د افغانستان لپاره د جاپان له ځانګړي استازي کانسوکي "ناګاټوکا" سره په داسې حال کې چې د جاپان سفیر تاکاشي "اوکادا" یې ملتیا کوله د ملي دفاع وزارت د بهرنیو اړیکو په ریاست کې وکتل.
په دغه کتنه کې د تکنالوژۍ او لوژیستیک معین نوموړي پلاوي ته راغلاست ووایه او د جاپاني پلاوي له لوري د افغانستان له خلکو په ملاتړ او د بشر دوستانه اړیکو په لرلو کې له دوی څخه مننه وکړه.
همدا راز جاپاني پلاوي د اسلامي امارت له لوري د امنیت په تأمین، د مخدره موادو او اداري فساد په وړاندې د مبارزې ستاینه وکړه.
په پای کې دواړو لوریو د دوامداره ښو اړیکو په لرلو ټینګار وکړ او بېلابېلو برخو کې یې هر اړخیزې خبرې وکړې.
