د ملي دفاع سرپرست وزیر د ۲۰۷ الفاروق قول اردو څخه ليدنه وکړه
د ملي دفاع سرپرست وزیر مولوي محمد يعقوب «مجاهد» د هېواد لويديځ زون سفر په ترڅ کې د ۲۰۷ الفاروق قول اردو له چارواکو او منسوبينو سره يې وليدل.
په دغه ليدنه کې د ملي دفاع سرپرست وزیر پر نظام جوړونه او ښې حکومتولۍ د خبرو په ترڅ کې وويل: «په هېواد کې د يوې منظمې، مسلکي او خپلواکې اردو لرل د اسلامي نظام او افغانستان د ديندارو خلکو له موخو څخه وو، چې له نيکه مرغه اوس دغه ارزښتونه شتون لري».
د ملي دفاع سرپرست وزیر د خپلو خبرو په دوام زياته کړه:«هغه کسان چې غواړي له اسلامي اردو سره يوځای شي، د هېواد ملي ګټو او اسلامي ارزښتونو ته ژمن وي».
پهداسې حال کې چې د ملي دفاع وزارت مشرتابه، چارو د لا ښه ترسره کولو، په اسلامي اردو کې د نظم او دسپلين په موخه خپلو قطعاتو او جزوتامونو ته لازمې سپارښتنې کړي دي.
