د ستر جنرال محمد نبي عظیمي د جنازې مراسم د ولسمشر د لومړي مرستیال او د وسله وال پوځ لوی درستیز په ګډون تر سره شول
د ملي دفاع وزارت د پخواني لومړي مرستیال د هېواد نظامي کدر او مطرح لیکوال ستر جنرال "محمد نبي عظیمي"، د جنازې په مراسمو کې د ولسمشر لومړي مرستیال امرالله "صالح"، د وسله وال پوځ لوی درستیز ستر جنرال محمد یاسین "ضیأ"، پخوانی لوی درستیز محمد شریف "یفتلي"، د ملي دفاع وزارت جنرالانو، افسرانو او د مرحوم د کورنۍ غړو او خپلوانو ګډون درلود.
ستر جنرال محمد نبي "عظیمي" په ۱۳۲۲ ه ش کال کې د کابل ولایت په بګرامیو ولسوالۍ کې زیږیدلی او د پوځي قطعاتو د مشرتابه په بیلابیلو بستونو کې دنده تر سره کړې ده.
همدا راز نوموړي د اردو او سیاست تر نامه لاندې د کتاب لیکلو سربیره یو شمېر علمي مقالې هم لیکلې دي.
ستر محمد نبي "عظیمي" د ۷۷ کلونو په عمر د ورپیښې ناروغۍ له امله د ازبیکستان په تاشکند ښار کې د ۱۳۹۹ کال د کب په ۱۳مه له دې فاني نړۍ سترګې پټې کړې.
د ملي دفاع وزارت او ستر درستیز مشرتابه؛ مرحوم ته د لوی څښتن تعالی له درباره د جنت الفردوس، کورنۍ او خپلوانو ته يې د زړه صبر هیله کوي.
