بغلان کې د ملي اردو ځواکونو شهیدانو له سلګونه کورنیو سره مرسته وشوه
د ملي اردو د شهیدانو له محترمو کورنیو سره د خوړو توکو د وېش د کمپاین او لوی پروګرام په ترڅ کې، نن په بغلان ولایت کې پر سلګونو کورنیو د خوړو توکو بستې وویشل شوې.
په دې پروګرام کې د ملي دفاع وزارت د ستر درستیز د ارکان رییس ډګرجنرال حبیب "حصاري" ټینګار وکړ چې د ملي دفاع وزارت مشرتابه د شهیدانو له محترمو کورنیو سره د مرستې رسونې په برخه کې هېڅ ډول هڅې نه سپموي او د شهیدانو له کورنیو ملاتړ زمونږ د کارونو په لومړیتوب کې دی.
په نورو ولایتونو کې هم د شهیدانو له محترمو کورنیو سره مرسته او همکاري دوام لري.
