د ملي اسلامي اوردو ځواکونه له خپلو بغلاني هېوادوالو سره اوږه په اوږه ولاړ دي
د بغلان ولایت په ډنډغوري، شهرنو، تاله او برفک، نهرین او برکه ولسوالیو کې له بې ساري سیلابونو سره، چې د سیمې اوسېدونکو ته یې ډېر مالي او ځاني زیانونه اړولي، د هېواد هوايي ځواکونو او د ملي اسلامي اردو سرتېري په ګډه سره د پېښې ځای ته په خپل وخت رسیدلي او تر دې دمه یې د هر ډول مرستې کولو څخه ډډه نده کړې.
په همدې حال کې د زید بن حارثه لواء ځواکونو او د ۲۱۷ عمري قول اردو له نورو قطعاتو سره په همغږۍ په ټول توان او قوت سره په سېلابونو کې د ایسار هېوادوالو د ژغورلو هڅې کوي، ترڅو د دې پیښې څخه د لا زیاتو تلفاتو او زیانونو مخنیوي وکړې.