د کابل مرکزي قول اردو څخه د اسلامي امارت ٢٥٠ سرتيري فارغ شول
د وسلوال پوځ لوى درستيز قاري فصيح الدين "فطرت" د کابل په مرکزي قول اردو کې د اسلامي امارت د ۲۵۰ تنو سرتیرو د فراغت په مراسمو کې ګډون وکړ، هغوی یې د هېواد او خلکو رښتیني مدافعین وبلل، نوموړي وويل: زموږ د ملت وياړ ستاسو په شان د هغو اتلو بچو په حقه مبارزه کې دى، چې د اشغالګرو پر وړاندې يې مبارزه وکړه او د يرغلګرو روحيه يې ماته کړه، اوس به تاسو د پخوا په پرتله لا زيات متحد او د ملي اردو ليکې پياوړي او منظم کوٸ او د ځواکمن پوځ بنسټ به کيښودل شي.
