د ملي دفاع وزارت لومړي مرستیال د حربي ښونځي له قوماندانۍ څخه لیدنه وکړه
تېره ورځ د ملي دفاع وزارت لومړي مرستیال ډاکټر نجیب الله "وردګ"، د ملي دفاع وزارت د ښوونې او روزنې له عمومي قوماندان ډګر جنرال پاینده محمد "ناظم" او د ستر درستیز د دکتورینو په ملتیا د حربي ښونځي له قوماندانۍ څخه لیدنه وکړه.
په دې لیدنه کې د یادې قوماندانۍ ښونیز نصاب, درس خونې, طعام خانې او د زده کړیالانو خوب خونې وارزولې.
د ملي دفاع وزارت لومړي مرستیال, د دغه قوماندانۍ وضعیت مثبت وارزاوه, د ښوونکو او مسؤلینو له کړنو یې ستاینه او قدردانۍ وکړه.
همدا راز ددغه مرکز د زده کړیالانو د ښونیز نصاب او معیشتي وضعیت د لا ښه والي په موخه یې لازمې لارښونې وکړې.
