افغان ځواکونو کندهار کې ۲۲ طالبان ووژل
دفاعي او امنیتي ځواکونو دهوايي ځواک په ملاتړ د ګډو پوځي عملیاتو په دوام سره د کندهار ولایت په ارغنداب او ډنډ ولسوالیو کې تصفیوي عملیات ترسره کړل.
ددغو عملیاتو په پایله کې د ارغنداب ولسوالۍ پراخې سیمې د طالبانو له شتونه پاکې شوې، ۲۲ طالبان ووژل شول او ۲ نور ټپیان شول او همداراز د دښمن یوه اندازه وسلې او مهمات له منځه وړل شوي.
ددې په خوا کې دفاعي او امنیتي ځواکونو په ارغنداب ولسوالۍ کې، د ۲۰ ترهګریزو بریدونو مخه ونیوله چې د لسګونه هېوادوالو ژوند وژغورل شو.