کندهار کې ۲۰ طالبان ووژل شول
دفاعي او امنیتي ځواکونو دهوايي قواوو په ملاتړ د پوځي عملیاتو په دوام سره نن کندهار ولایت ارغنداب ولسوالۍ "جلاور" کلي کې طالبانو باندې هدفمند عملیات ترسره کړل.
چې په پایله کې ۲۰ طالبان ووژل شول، دښمن یوه اندازه وسلې، مهمات يې له منځه وړل شوي دي.
همدا راز ۸ کړۍ، د وسایطو ضد ماینونه چې طالبانو زابل ولایت مرکز کلات شاوخوا او شهرصفا ولسوالۍ په بیلابیلو سیمو کې دفاعي، امنیتي ځواکونو او دملکي خلکو تګ راتګ په لاره کې ځای پرځای کړي وو، د ملي اردو ځواکونو د انجینیرۍ ټیم له لوري کشف او خنثی شول.