۵۲ تنه ترهګر وژل شوي دی
کابل- افغانستان: د هېواد ملي دفاعي او امنیتي ځواکونو د دښمن د ځالو او شته تهدیدونو د له منځه وړلو په موخه په تېرو ۲۴ ساعتونو کې۱۲ پلان شوي یرغلیز او چاڼيز عملیات او ۱۹هوايي بریدونه د هېواد په ۱۲ ولایتونو کې تر سره کړي؛ د دې عملیاتو په ترڅ کې ۵۲ تنه ترهګر وژل شوي، ۲۱ تنه ټپیان او د ۴ تنو شکمنو کسانو په ګډون ۸ تنه نیول شوي دي.
هلمند - نهر سراج، واشیر او موسی کلا ولسوالیو کې د چانیزو عملیاتو او هوایي بریدونو په پایله کې ۱۱ تنه ترهګر وژل شوي، ۳ تنه ټپیان یو تن شکمن کس نیول شوی او یو موټر له منځه وړل شوی دی.
کنړ - څوکۍ ولسوالۍ کې د هوایي بریدونو په پایله کې ۱۰تنه ترهګر وژل شوي دي.
بلخ- چهاربولک او شور تیپې ولسوالیو کې د هوایي او توپچي بریدونو په پایله کې ۹ تنه ترهګر وژل شوي او۱۴ تنه ټپیان شوي دي.
فراه - بالابلوک ولسوالۍ او مرکز اړوند سیمو کې د کماندو ځواکونو د چانیزو عملیاتو او هوایي برید په پایله کې ۶ تنه ترهګر وژل شوي، ۳ تنه ټپیان، یو تن شکمن کس نیول شوی او یو موټر له منځه وړل شوی دی.
هرات - زاول ولسوالۍ کې د هوایي برید په پایله کې ۵ تنه ترهګر وژل شوي دي.
بادغیس - مقر ولسوالۍ کې د هوایي برید په پایله کې ۳ تنه ترهګر وژل شوي او یو تن ټپي شوی دی.
زابل - ارغنداب ولسوالۍ کې د هوایي برید په پایله کې ۳ تنه ترهګر وژل شوي دي.
میدان وردګ- دایمیرداد ولسوالۍ کې د هوایي برید په پایله کې ۳ تنه ترهګر وژل شوي او ۲ موټر له منځه وړل شوي دي.
جوزجان - خانقا او فیض آباد ولسوالیو کې د هوایي بریدونو په پایله کې ۲ تنه ترهګر وژل شوي او یو موټر له منځه وړل شوی دی.
لوګر - برکي برک او محمد آغې ولسوالیو کې د کماندو ځواکونو د چانیزو عملیاتو په پایله کې د ۲ تنو شکمنو کسانو په ګډون ۶ تنه ترهګر نیول شوي دي.