هلمند باندې د طالب ترهګرو برید ناسمه محاسبه وه
نن ورځ د وسلوال پوځ لوی درستیز او د ملي دفاع وزارت سرپرست ستر جنرال محمد یاسین ضیاء د ۲۱۵ میوند قول اردو له رهبرۍ او منصوبینو سره ولیدل.
په لومړي سر کې د ۲۱۵ میوند قول اردو قوماندان تورنجنرال سید سمیع سادات په هلمند ولایت د دښمن وروستیو بریدونو او ترهګرو ته د تلفات اوښتو په تړاو مفصل راپور وړاندې کړ.
د وسلوال پوځ لوی درستیز په لښکرګاه او د یاد ولایت اړوند نورو سیمو کې د دفاعي او امنیتي ځوکونو پر وړاندې د طالب ترهګرو بریدونه او ماتې په اړه د دغه قول اردو رهبرۍ او ټولو منصوبینو ته مبارکي ورکړه.
ستر جنرال محمد یاسین ضیاء په خپلو کې وویل: «طالب ترهګرو د ناسمې په اساس پر هلمند برید وکړ، هغوې د افغان ځواکونو د رهبرۍ، امکاناتو او چمتوالي خبر نه درلود او د هغوې همدغه ناسمه محاسبه وه، چې ورته درانه تلفات واوښتل».
په اخیر کې د وسلوال پوځ لوي درستیز د وسلوالو ځواکونو اعلی سر قوماندان پیغام سره، د ۲۱۵ میوند قول اردو قوماندان ته د تورنجنرالۍ فوق العاده رتبه تفویض کړه.
